എന്നവിടെ വന്നു ചേരും ഞാന് മമ കാന്താ നിന്നെ
വന്നു കണ്ടു വാഞ്ഛ തീരും ഹാ (2)
നിന്നോട് പിരിഞ്ഞിന്നരകുല-ത്തിരിക്കയെന്നതിന്നൊരിക്കലും സുഖം
തന്നിടുന്നതില്ലായ്കയാല് പരനേശുവേ ഗതി നീ എനിക്കിനി (2) (എന്നവിടെ..)
1
നിന് മുഖത്തു നിന്നു തൂകുന്ന മൊഴിയെന്റെ
താപമിന്നു നീക്കിടുന്നു നായകാ (2)
നിന്നതി മൃദുവായ കൈയിനാല് എന്നെ നീ തടവുന്നോരക്ഷണം
കണ്ണുനീരുകള് ആകവേയൊഴിഞ്ഞുന്നതാനന്ദം വന്നിടുന്നു മേ (2) (എന്നവിടെ..)
2
തിത്തിരികള് അന്യ മുട്ടയെ വിരിയിച്ചിടും പോല്
ലുബ്ദരായോര് ഭൂധനങ്ങളെ (2)
ചേര്ത്തു കൂട്ടിയിട്ടാ ധനങ്ങളിന് മേല് പൊരുന്നിരുന്നായവ വിരി-
ഞ്ഞാര്ത്തി നല്കിടും മാമോന് കുട്ടികളായ് പുറപ്പെടുന്നാര്ത്ത നാഥ