ఆకాశ పక్షులను చూడండి
అవి విత్తవు కోయవు
అవి గరిసెలలో దాచుకోవు.. వూ.. వూ.. ||ఆకాశ||
అనుదినము కావలసిన ఆహారము
అందజేయును వాటికి ఆ దేవుడు
కలసికట్టుగా అవి ఎగిరి పోతాయి
కడుపు నింపుకొనిపోయి మరల తిరిగి వస్తాయి ||ఆకాశ||
స్వార్ధము వంచన వాటికుండదు
సాటివాని దోచుకొనే మనసు ఉండదు
రేపటిని గూర్చిన చింత ఉండదు
పూట ఎలా గడపాలని బాధ ఉండదు ||ఆకాశ||
పక్షులను పోషించే ఆ దేవుడు
మనుష్యులను పోషించుట మానివేయునా
సృష్టిలోన మనిషి బ్రతుకు శ్రేష్టము కదా
ప్రభువు తోడు ఉండగా మనకు ఎందుకు బాధ ||ఆకాశ||
--Aakasa pakshulanu choodandi - avi vitthavu koyavu--