ఏమి తెచ్చి నిను దర్శింతునయా
ఏ రీతిగా నిను పూజింతునయా
వినయముగా నీ సన్నిధి మ్రొక్కి
స్తుతియాగము చేతునయా
1.వెండి బంగారములు నీవే గదా
కొండపైని పశువులు నీ వశమే గదా
విరిగిన మనస్సు నలిగిన హృదయం
నీవు కోరిన దూపమాయ ||ఏమి||
2.ప్రథమ ఫలములు నీ సేవకీయనా
దహన బలుల నైవేద్యమీయనా
సజీవయాగముగా దేహమర్పించుట
నీదు దృష్టికి యుక్తమయా ||ఏమి||
3.మంచి తైలముతో అభిషేకించనా
ఎంచి కానుకలిచ్చి భజయించనా
న్యాయముగా నడచుట కనికరము చూపుట
నీకిష్టమైన యాగమయా ||ఏమి||
--Yemi thechi ninu darshinthunaya--