నా హృదయమా - నా ప్రాణమా

నా హృదయమా - నా ప్రాణమా .. నా శ్వాసతో - అనుబంధమా .. నా కొరకే నరరూపివై - నా పాప భారము మోసి నా కొరకు బలియైనది నీవే - నా యేసయ్యా…. చరణం 1: చిందిన నీ రక్తం - పారెను సెలయేరై చీల్చ బడిన దేహం - ఓర్చెను ఆ భారం శిక్షకుపాత్రుడనైన - నను రక్షించుటకా చిత్రవధ చేసిన - మౌనిగ నిలిచినది ఎవరు - నాపై - చూపని ప్రేమే కదా ప్రేమామయా - తేజోమయా… నీ ప్రేమ ఎంతో బలము నీ త్యాగమెంతో ఘనము నీ ప్రేమకు నే రుణపడి ఉన్నాను - నా యేసయ్యా చరణం 2: చేదు చిరకనిచ్చి - నిను అవమానించిరిగా స్వార్థ పరుల అహమే - గెలిచిన ఆవేళ తులువలనే క్షమించెను - నీ దైవత్వము  తుదిశ్వాసవరకు ప్రేమించెను నీ దాతృత్వము నీకే నీకే అది సాధ్యమైనది ప్రేమామయా - తేజోమయ