నీవు నా రక్షకుడవు నా విమోచకుడవు
పాప బానిసత్వము నుండి నన్ను విడిపించినావు (2)
శాతాను బంధనము విరిచి
నన్ను స్వతంత్రుని చేసినావు (2)
హల్లెలూయా హల్లెలూయా
యేసయ్యా నీవు నా రక్షకుడవు
హల్లెలూయా హల్లెలూయా
నీవు నా విమోచకుడవు (2) ||నీవు నా రక్షకుడవు||
నీ సత్యము నన్ను స్వతంత్రుని చేసెను
నీ వాక్యము నన్ను విడిపించెను (2)
ఇకమీదట నేను బానిసను కాను
నేను దేవుని కుమారుడను (2) ||నీవు నా రక్షకుడవు||
పాపము నామీద ఆధిపత్యము చేయదు
నేను కృపచే జీవించుచున్నాను (2)
నీతికి బానిసుడనై
పరిశుద్ధతకై జీవించెదను (2) ||నీవు నా రక్షకుడవు||
--Neevu naa rakshakudavu naa vimochakudavu--