ప్రార్థన వినెడి పావనుడా ప్రార్థన మాకు నేర్పుమయా ||ప్రార్థన||
1. శ్రేష్టమైన భావము గూర్చి శిష్య బృందముకు నేర్పితివి పరముడ నిన్ను
ప్రణుతించెదము పరలోక ప్రార్థన నేర్పుమయ్యా ||ప్రార్థన||
2. పరమ దేవుడవని తెలిసి కరము లెత్తి జంటగ మోడ్చి శిరమునువంచి
సరిగను వేడిన సుంకరి ప్రార్థన నేర్పుమయా ||ప్రార్థన||
3. దినదినంబు చేసిన సేవ దైవ చిత్తముకు సరిపోవ దీనుడవయ్యు
దిటముగ కొండను చేసిన ప్రార్థన నేర్పుమయా ||ప్రార్థన||
4. శత్రుమూక నిను చుట్టుకొని సిలువపైని నిను జంపగను శాంతముతో
నీ శత్రుల బ్రోవగ సలిపిన ప్రార్థన నేర్పుమయా ||ప్రార్థన||
--Prardhana vinedi paavanuda--